„Летечкиот човек”, Французинот Френки Запата повторно ќе се обиде да го прелета Ла Манш на „флајбордот”, кој инаку е негов изум. Неговиот прв обид пред неполна седмица заврши на половина пат.

Сопругата на пронаоѓачот, Кристел, изјави дека тој повторно ќе проба да го прелета 36 километри широкиот теснец меѓу Франција и Англија.

Минатата седмица, при својот прв обид, Запата ја промаши платформата за слетување на брод каде што требаше да дополни гориво, на 20 километри пат. Така, тој сега ќе мора неговата „даска за летање“ да ја направи поголема, специјална и различна од оние што тој им ги продава на љубителите на водени спортови.