Нови филмови и серии на „Нетфликс“ во ноември

Во ноември пристигнуваат нови филмови и серии на „Нетфликс“ кои долго се очекуваат, како најновата сезона на „Круната“ (The crown). Во продолжение се некои од најпопуларните серии и филмови што ќе бидат објавени на платформата месецов.

„Преземањето“ (The takeover)

Станува збор за оригинален филм на „Нетфликс“ кој се прикажува од 1 ноември. Во филмот, хакерка случајно уништува меѓународна криминална мрежа и оттогаш нејзиниот живот се менува.

„Убиецот Сали“ (Killer Sally)

Станува збор за документарен филм кој пристигнува на 3 ноември. Приказната е за бодибилдерка која го убива сопругот, кој е национален првак во бодибилдинг. Сопругата тврдела дека убиството било направено во самоодбрана, но адвокатите тврделе нешто друго.

„Енола Холмс 2“ (Enola Holmes 2)

Второто продолжение на „Енола Холмс“ ќе почне да се прикажува на „Нетфликс“ на 4 ноември. Приказната е за сестрата на познатиот Шерлок Холмс.

„Семејството Клаус 2“ (The Claus family 2)

Овој божиќен филм е продолжение на „Семејството Клаус“, кој излезе во 2020 година. Тој пристигнува на „Нетфликс“ на 8 ноември.

„Круната“ (The crown)

Петтата сезона на серијата „Круната“ ќе пристигне на „Нетфликс“ на 9 ноември. Во неа, Имелда Стонтон ќе ја игра кралицата Елизабета Втора.

„Божиќ со тебе“ (Christmas with you)

Ова е оригинален филм на „Нетфликс“ кој ќе почне да се прикажува на 17 ноември. Приказната е за поп-ѕвездата Анџелина која бега од голем во мал град каде што наоѓа инспирација и љубов.

„Среда Адамс“ (Wednesday Adams)

Оваа серија е направена од тим предводен од Тим Бартон и ја следи приказната за Среда, член на фиктивното семејство Адамс. Серијата пристигнува на 23 ноември.