Според овој медиум, „едукативниот концепт приспособен на детската возраст има цел да ги претстави вистинските вредности и да разбива стереотипи на тема живот, другарство, рамноправност на половите и сл.“.

- Забавно-образовните епизоди ги следат авантурите на главниот лик, девојчето Биби, и нејзиниот најдобар другар Боби. Тие двајцата, со уште неколку споредни ликови, на многу занимлив начин на децата им покажуваат како се постапува и се однесува во одредени ситуации. Биби е весело, прилично емотивно и мудро девојче, секогаш подготвено да им помогне на луѓето. Таа е добра во карате, пливање, танц и цртање, а освен тоа е и храбра, внимателна, има добри манири и една „супермоќ“, знае да ги скроти и да ги разбере животните. Боби, пак, е бестрашен, тврдоглав и често влегува во неволји. Сака да истражува и да експериментира, а најмногу сака од стари уреди да прави целосно нови - стои во статијата.

Проектот „Светот на Биби“ е претставен на многубројни саеми за филмски и стручњаци од анимираниот свет. На Саемот на цртани филмови во Тулуз, каде што се собираат илјада учесници, македонскиот бренд е оценет со највисоката можна оцена во секоја категорија во која има номинација. Избран е меѓу 20. најдобри европски анимирани проекти за претшколска возраст за 2019 година. Интерес за најпопуларниот цртан филм од регионот покажуваат и светски познати продуцентски куќи.

Дека „Светот на Биби“ е многу сериозен и успешен потфат докажува и податокот дека на позицијата на арт-директор во тимот експерти од Македонија, е Михајло Димитриевски – Тхе Мичо, познат и како илустратор на славната друштвена игра „Игра на троновите“.