Крајот на „Игра на троновите“ во 2019 година сигурно не значеше крај на светот на Вестерос на телевизија, со оглед на тоа што беше најавена спиноф-серија со семејството Таргариен во фокусот. Потоа беше најавена уште една серија, а сега се најавува уште една спиноф-серија поинаква од која било друга, во која наводно ќе биде вклучен и Џорџ Р. Р. Мартин.

Најновата спиноф-серија би можела да биде анимирана, а изворите велат дека Џорџ Р. Р. Мартин работи директно со извршните продуценти на Ејч-би-о за проширување на светот првично донесен на малите екрани со серијата „Игра на троновите“. Анимираната серија, наводно, би се појавила на Ејч-би-о макс наместо на Ејч-би-о.

Нема детали за тоа што би можела да биде содржината, а Ејч-би-о макс сè уште нема коментирано, но овој спиноф би имал сличен тон како „Игра на троновите“ и, иако ќе биде анимиран, сепак ќе биде содржина за возрасни.

Се чини дека Ејч-би-о има цврста намера да ја прошири содржината на „Игра на троновите“ и покрај тоа што се соочи со огромни критики за крајот на серијата, дури и откако првиот спиноф беше откажан и заменет со „Домот на змејот“.

Ако развојот се претвори во серии, можно е анимираниот проект да биде завршен многу побрзо отколку серија во живо.

Извор: Timesofindia.com
Фото: Screenshot/YouTube