Куќата на брегот Кап Фера што некогаш била дом на белгискиот крал Леополд Втори сега се продава за 350 милиони евра - оваа цена ја прави најскапа куќа во светот.


Вилата „Лес Кедрес“ била изградена во 1830 година. Куќата, која се протега на 1.600 квадратни метри, се наоѓа на Сен Жан Кап Фера, а има прекрасни соби украсени со неверојатни лустери.


Библиотеката што се наоѓа во куќата располага со околу 3.000 книги, вклучувајќи и ботанички кодекс од 17 век, што исто така е на продажба, заедно со теписите, сликите и мебелот.

Кралот Леополд ја купил оваа куќа во 1904 година и ги проширил нејзините основи. Подоцна, вилата му припаѓала на семејството Марниер-Лапостол, кое одгледувало палми, имало маслинови градини и овоштарници околу францускиот имот.


Ако некој ја купи куќата по цената што веќе е поставена, таа ќе стане најскапата станбена продажба во историјата.