Фокусот на меѓународното тестирање ПИСА 2021 е математика со дополнителен тест по креативно мислење. Новиот „ПИСА 2021 нацрт-план по математика“ беше објавен неодамна.
Разбирањето на математиката е клучно за подготвеноста на едно младо лице за учество и придонес во модерното општество. Се поголем број проблеми и ситуации од секојдневниот живот, вклучително и во професионален контекст, бараат некое ниво на разбирање на математиката пред да може да бидат соодветно разбрани и решени. Математиката е клучна алатка за младите лица додека тие се соочуваат со различни проблеми и предизвици во различни аспекти од животот. Затоа е важно да се знае степенот до кој младите лица што излегуваат од училиштата се соодветно подготвени да ја користат математиката за да размислуваат за нивните животи, да ја планираат иднината и да решаваат значителни проблеми, се наведува во нацрт-планот, кој може да ја погледнете
тука.
ПИСА-оценувањето мери колку ефективно земјите ги подготвуваат учениците да ја користат математиката во секој аспект од нивниот личен, граѓански и професионален живот.
Што е математичка писменост?
Математичката писменост е капацитетот на една индивидуа да резонира математички и да формулира, вклучува и интерпретира математика за да решава проблеми во разни контексти од реалниот живот. Вклучува концепти, процедури, факти и алатки за да опише, објасни и предвиди феномени. Им помага на индивидуите да ја знаат улогата на математиката во светот и да носат добро базирани одлуки.
Што е ново во ПИСА 2021?
ПИСА 2021 има намера да ја земе предвид математиката во свет кој брзо се менува, предводен од нови технологии и трендови во кои граѓаните се креативни и вклучени, пресудувајќи за себе и за општеството во кое живеат. Ова ги носи во фокусот на вниманието способноста за математичко резонирање, кое секогаш било дел од ПИСА-рамката. Оваа технолошка промена исто така создава потреба за учениците да ги разберат тие концепти на компјутерско размислување, кои се дел од математичката писменост. На крајот, планот го препознава тоа дека подобрените процени базирани на компјутери се достапни за повеќето ученици во ПИСА.
Математичко резонирање
Способноста за логичко сфаќање и претставување аргументи на чесен и убедлив начин е вештина која станува сè поважна во денешниот свет. Математиката е наука за добро дефинираните објекти и замислите кои може да бидат анализирани и трансформирани на различни начини со користење на „математичкото резонирање“ за да се добијат одредени и безвременски заклучоци.
Во математиката учениците учат дека со соодветно резонирање и претпоставки можат да дојдат до резултати во кои можат целосно да веруваат дека се вистинити во различни контексти од реалниот живот. Исто така, важно е тоа што овие заклучоци се непристрасни, без потреба за проверка од страна на надворешен авторитет.
Клучните разбирања
Најмалку шест клучни разбирања обезбедуваат структура и поддршка за математичкото резонирање. Овие клучни разбирања вклучуваат:
-разбирање на износ, многубројни системи и нивните алгебарски својства;
-ценење на моќта на апстракцијата и симболичката репрезентација;
-гледање на математички структури и нивни правилности;
-препознавање на функционални врски меѓу износи;
-користење математичко моделирање како леќи на реалниот свет и
-разбирање на варијациите како срцето на статистиката.
На крајот од текстот на овој линк има неколку пример-вежби од ПИСА 2021 оценувањето по математика.