Студентите кои се при крај на своите студии, а и оние кои допрва се запишуваат на факултет, се соочуваат со невообичаена ситуација во поглед на вработливоста. Тие влегуваат на пазарот на труд во време кога на тој пазар му недостасува кадар што треба да ги пополни најбараните работни позиции, а образовните системи не успеваат истиот да го произведат. Така студентите се наоѓаат во ситуација во која се преквалификувани, а необучени. Овој тренд е толку распространет што станува сè порелевантно брзо да се развијат специфични вештини, отколку да се поминат неколку години на факултет и да се дипломира во некоја од споменатите професии.

Оваа ситуација неодамна ја анализираше Forbes, и сугерираше дека би било поефикасно доколку бизнисите и образовните институции се фокусираат на доусовршување на вработените за „специфични задачи и активности, а не за цели работни места“. Ова подразбира дека процесот на подготвување на вработените за нова или постоечка вештина е пократок, што пак заштедува време и пари за секого. Тука на сцена стапи EdTech секторот.

Веќе некое време организациите од овој сектор нудат решение за овој проблем со тоа што создаваат работна сила подготвена да се справи со потребите на современиот пазар на труд. Дополнително, учењето од далечина им овозможи на EdTech организациите да работат во различни земји и да не бидат ограничени само на една локација.

Пет години од основањето, Brainster со сигурност се движи по патот кој носи големи достигнувања. До денес, близу 10.000 студенти од 4 различни земји поминаа низ академиите и курсевите на Brainster. Оваа компанија забележа и импресивна стапка на вработеност од 80% на своите дипломирани студенти.

Минатиот месец ја постигнаа нивната најнова цел - лансирање на 5 нови Brainster академии: Дигитален маркетинг и Full-stack Web програмирање за интернационалниот пазар; Full-stack HR, Project & Product Management за македонскиот пазар; како и Business Intelligence (и за македонскиот и за интернационалниот пазар).



Моделот на учење на овие академии е новост во Brainster, што значи дека тие нудат флексибилно и структурирано образовно искуство за студентите. Методот на работа на Brainster е базиран на постојано подобрување, а овие подобрувања се направени врз основа на длабински анализи на искуството на студентите, чии барања се сфаќаат многу сериозно.

Една од главните грижи за некои од нив беше распоредот на предавањата. Многумина од студентите мораат да ја балансираат работата и приватниот живот со учењето на нови вештини. Затоа, новите академии воведуваат флексибилно искуство за учење, што е најнова иновација на Brainster, во обидот да се издигне процесот на учење на ново ниво. Академиите се организирани во модули кои се состојат од курсеви за учење со самостојно темпо и часови во живо.

Модулите им овозможуваат на студентите флексибилност, односно следење на предавањата по самостојно темпо секогаш кога тоа се вклопува во нивниот распоред во текот на работната недела, а во исто време ја одржуваат структурата на програмата, бидејќи на крајот на секоја недела предвиден е и час во живо кој ги сумира самостојно научените лекции и се состои од директна интеракција во живо со инструкторите на Braister.

Во однос на практичната работа, овие академии ќе им овозможат на студентите да научат нови вештини работејќи на реални проекти за реални компании кои се партнери за ко-иновација на Brainster, а сето тоа под менторство на докажани инструктори кои нудат совети, насоки и поддршка за како најдобро студентите да ги совладаат предизвиците кои произлегуваат на секоја од академиите.

На овие академии предвиден е и посебен модул каде што студентите ќе можат да добијат кариерни совети од експерти за човечки ресурси и кариерни советници. Тие ќе учат: како да го подготват своето CV, како да поминат низ процесот на апликација, како да се подготват за интервју, и како да ги покажат своите технички, но и меки вештини стекнати од академиите. Идејата е да им се обезбеди на студентите целосно и подобрено искуство во Brainster - од првиот ден, па сè до нивното вработување во компаниите.

Покрај тоа, новата платформа за Co-innovation & Hiring овозможува постојан контакт со повеќе од 300 локални и интернационални компании со цел да обезбеди искуства од реалниот сектор и вработување за студентите на Brainster.

Дознајте повеќе за новите академии на Brainster овде.