Корисниците на часовникот на „Apple“ знаат дека не мора да го вадат телефонот од џебот или чантата секогаш кога некој воспоставува повик или пишува смс-порака. Но, ова значи дека телефонот е почесто подалеку од корисникот и станува полесна цел за крадците. Нова апликација го решава проблемот на овие корисници.

Апликацијата е направена од австралиска компанија и е наречена „Unhand me!“. Кога телефонот е заклучен, апликацијата препознава кога некој го допира телефонот и испушта предупредувачки звук. Истовремено, корисникот добива предупредување на својот часовник.

Корисниците може да одберат звуци за предуредување од 37-те понудени и да постават периметар за да бидат известени кога телефонот ќе биде надвор од одреден регион.

Дејвид Валш, човекот зад апликацијата, наведува дека „има многу сценарија кадешто апликацијата може да биде корисна“ и е „исто како да имате два пара очи“. Апликацијата функционира и со други уреди, како таблети.