Денеска премиерот Никола Груевски најави изградба на нов универзитет, Мајка Тереза. Градењето треба да започне догодина а ќе се гради во близина на касарната Илинден.
Предвидено е да има 14 студиски програми и тој да почне со работа од следната академска година. Студентите ќе можат да студираат на три јазици македонски, албански и англиски, бидејќи е предвидено да има професори но и студенти од странство.
- Денеска донесовме одлука да се отвори уште еден универзитет во Скопје. Ќе се вика „Мајка Тереза“, ќе биде на три јазици - на македонски, албански и на англиски и ќе има сериозна интернационална димензија, бидејќи ќе има професори и студенти и Македонци, и Албанци, но и странци. Можно е да има декани странци, можеби и ректор странец зашто законот тоа го дозволува. Универзитетот ќе биде нов квалитет во нашето високо образование, истакна Груевски.
Според Премиерот готов е и идејниот проект за новиот студентски дом наменет за студентите по медицина. На местото на стариот Невена Георгиева Дуња, до година е планирано да никне нов. Се очекува изградбата на уште два студентски дома, еден за студентите во Тетово и вториот во Скопје во близiна на спортскиот центар Борис Трајковски.