Вирално видео кое кружи на социјалните мрежи и е прегледано речиси 27 милиони пати открива уникатно искуство од првата класа - во авион на „Сингапур ерлајнс“.
Видеото прикажува насмеани стјуардеси во елегантни униформи како ги поздравуваат патниците на вратата од авионот, најавувајќи го незаборавното искуство што ги очекува. Но, она што следува не е ништо слично на она што можеби сте навикнати да го гледате во економската класа. Првата класа на оваа луксузна авиокомпанија нуди ексклузивен простор кој вклучува две големи фотелји, телевизор и удобен кревет за две лица.
Сивата фотелја ви овозможува да ја видите вашата персонализирана кабина од која било насока, бидејќи може да се ротира за 360 степени. Столот не може да се претвори во лежечки кревет, но тоа секако не е проблем. Кога е време за спиење, има посебен дел за тоа. Ова значи дека се понудени и кревет и стол за време на летот, наместо вообичаеното столче кое се претвора во кревет со притискање копче.
Она што ја прави оваа услуга поинаква од другите е брачниот кревет во облаци. Другите авиокомпании обично нудат два кревети кои не се целосно поврзани. Апартманот е опремен и со напредна технологија, вклучувајќи персонализиран рачен безжичен таблет со мноштво контроли за седиштата и осветлување.
Што се однесува до цената, се работи за навистина скапо задоволство. Ако плаќате готовина, летањето во прва класа е петцифрен потфат, со цени кои обично се движат од околу 10.000 до 30.000 долари.
Оваа глетка добила многу коментари од ентузијастичките следбеници, кои јасно даваат до знаење дека и тоа како би сакале да можат да се возат на овој удобен кревет, под облаците.
Извор: 24sedam.rs
Фото: Freepik