Претседателот на САД, Доналд Трамп, неколку пати пројавувал интерес да се купи Гренланд од Данска, објави „Волстрит џурнал“.

Весникот се повикува на неименувани извори и поранешни лица од Белата куќа.

Претседателот на САД барал од своите советници да разгледаат идеја за купување на најголемиот остров на Земјата. Тој пројавил интерес за Гренланд заради природните ресурси и геополитичкото значење. Во образложение до советниците, Трамп укажал дека Данска има финансиски тешкотии затоа што во состав на кралството влегува огромна автономна територија.