Денес е среда, 8 февруари 2017 година, 39-иот ден во годината. Сонцето изгреа во 06:33, а ќе зајде во 17:02 часот. Денот ќе трае 10 часа и 29 минути.

Претежно облачно и релативно топло утро за овој период од годината имаме денеска со утрински температури кои се повисоки од повеќегодишниот просек. Појава на магла имаме во одделни котлини како и на планинските превои.

МАКЕДОНИЈА – Во Македонија во утринските часови појава на магла која понекаде ќе се задржи и во раните претпладневни часови (Скопска и Полошка котлина, како и во Пелагонија), а во текот на денот ќе биде умерено облачно со повремени сончеви периоди, ветровито и постудено време. Ќе дува доумерен североисточен и северозападен ветер. Утринските температури од -2 до 6 степени, додека пак максималните дневни ќе достигнат до 4 односно до 13 степени.

СКОПЈЕ – Во Скопје во утринските часови појава на магла која што ќе се задржи и во раните претпладневни часови, а во текот на денот умерено облачно со повремени сончеви периоди. Слаб северозападен ветер. Утринската температура од 3 степени, додека пак дневната ќе достигне до 9 степени.

МАКЕДОНИЈА 5 ДЕНА – Слично време и во четврток, појава на утринска магла која што понекаде ќе се задржи и претпладне, а во текот на денот умерено облачно време со повремени и кратки сончеви периоди. Минималните температури од -4 до 4 степени, додека пак максималните дневни од 1 до 11 степени. Во петок претежно облачно време, попладне во западните и југозападните предели нестабилно со врнежи од дожд а над 1000 метри надморска висина врнежите ќе бидат од снег. Утринските температури од -2 до 6 степени, додека пак дневните од 0 до 10 степени. Во сабота умерено облачно време со повремени сончеви периоди и температури од 1 до 11 степени. Во недела постудено утро со утрински температури од -6 до 2 степени, а во текот на денот претежно сончево со локална облачност и температура од 0 до 10 степени.

Weather4all.com.mk