Денес е четврток, 20 април 2017 година, 110-иот ден во годината.
Сонцето изгреа во 05:41, а ќе зајде во 19:23 часот. Денот ќе трае 13
часа и 42 минути.
Во утринските часови во Македонија имаме претежно облачно, ветровито и
свежо време со осетен пад на утринските температура во однос на
вчерашните.
МАКЕДОНИЈА – Во Македонија во четврток во утринските и претпладневните
часови ќе преовладува умерено облачно време со повремени и кратки
сончеви периоди, ветровито и студено со утринските температури кои се
движат во интервал од -1 до 8 степени. Слично време ќе имаме до крајот
на денот, ќе биде биде умерено облачно време со сончеви периоди, додека
пак во северозападните, централните како и во крајните источни и
североисточни предели нестабилно со врнежи од дожд а на
ридоско-планинските предели и на планините над 900 метри со врнежи од
снег. Ќе дува доумерен засилен северозападен и западен ветер кој ќе
достигне брзина и до 40 км/ч. Максималните дневни температури од 3 до 17
степени.
СКОПЈЕ - Во Скопје во утринските и претпладневните часови умерено
облачно со услови за повремени и кратки сончеви периоди, попладне
нестабилно време со локални врнежи од дожд и ветровито. Ќе дува доумерен
северозападен ветер. Утринската температура од 4 степени, а максималната
дневна до 13 степени.
МАКЕДОНИЈА 5 ДЕНА - Во петок невообичаено студено утро со утрински
температури од -4 до 5 степени, а во текот на денот ќе биде умерено
облачно со повремени сончеви периоди, ветровито и свежо време со
температури од 1 до 14 степени. Најстудено утро во Македонија како
последица на овој студен бран ќе имаме и во сабота кога утринските
температури ќе се движат од -6 до 2 степени, а во текот на денот
претежно сончево со локална облачност и потопло време со максимални
температури од 5 до 18 степени. Претежно сончево со локална облачност и
потопло време ќе имаме во недела и понеделник, утринските температури од
-3 до 5 односно од -2 до 6 степени, додека пак максималните дневни ќе се
движат во интервал од 10 до 23 степени во недела, односно од 8 до 21
степен во понеделник.
СКОПЈЕ 5 ДЕНА - Во Скопје во петок умерено облачно време со повремени
сончеви периоди и свежо време со температура до 10 степени. Во сабота по
студеното утро и 0 степени, во текот на денот претежно сончево и потопло
време со температура до 14 степени. Во недела малку потопло утро и
температура од 3 степени која ќе биде под просекот за овој период од
годината, а во текот на денот претежно сончево со локална облачност и
дневна температура до 19 степени. Во понеделник претежно сончево и свежо
време. Утринската температура од 4 степени, а максималната дневна до 17
степени.
Weather4all.com.mk