Околу 150 гости синоќа беа дел од незаборавно Бизнис Кафе Македонија кое се одржа на летната тераса од комплексот на Парк хотел и Спа. Настанот кој стана препознатлив за сите менаџери, бизнисмени, директори, лидери, но и млади луѓе кои се на своите почетоци од кариерата успеа на едно место да ги донесе првите луѓе на Пивара Скопје и KPMG, г-дин Јован Радосављевиќ и г-дин Срѓан Ранѓеловиќ, како и познатиот тренер за личен развој г-ѓа Катерина Ангеловска. Харизматичноста на Јован, искреноста на Срѓан и шармантноста на Катерина е она по што ќе го паметиме ова Бизнис кафе.