Време е да се додаде „гориво“ инспирирано од „Металика“ во следните мисии на Месечината.
Новото видео на НАСА ја прикажува песната „Fuel“ на „Металика“ заедно со епската снимка од „Артемида 1“, мисијата со која дебитира огромната агенција наречена Систем за вселенско лансирање.
„Дај ми гориво! Дај ми оган“, пее металниот бенд, а видеото на „Јутјуб“ го покажува Системот за вселенско лансирање и „Артемида 1“ како лета високо на ноќното небо, од различни агли.
„Артемида 1“ беше успех, испраќајќи ја капсулата „Орион“ без екипаж во орбитата на Месечината и назад. НАСА сега се подготвува за „Артемида 2“, мисија која ќе испрати четири луѓе околу Месечината кон крајот на 2024 година. Во април НАСА ги именуваше астронаутите кои ќе бидат дел од мисијата: Рид Вајсман, Виктор Гловер, Кристина Кох и Џереми Хансен.
„Металика“ е еден од најдобрите бендови на сите времиња, според „Ролинг стоун“. Главниот гитарист Кирк Хамет во 2017 година изјави дека бендот би сакал да свири во вселената, додавајќи дека тој отсекогаш сакал да свири на вселенски брод, можеби на Месечината.
Иако нема ништо за плановите за нивниот вселенски лет, на официјалниот твитер-профил на „Металика“, беше објавено дека песната „Fuel“ е една од заедничките работи што ги имаат со мисиите на НАСА.
По „Артемида 2“, НАСА планира да однесе луѓе на Месечината, почнувајќи со „Артемида 3“.
За разлика од „Аполо“, „Артемида“ ќе има меѓународни астронаути и астронаути од НАСА. НАСА потпиша договор со 27 нации за „Артемида“, кои имаат цел не само да донесат партнери за истражување на Месечината, туку и да воспостават меѓународни норми за мирно истражување.
Фото: NASA