Дали психопатите се бестрашни? Истражувачот на личноста Теодор Милон категорично тврдел дека психопатот е бестрашен - не се плаши од опасност и казна. Прифаќајќи ја оваа премиса како вистинита, што е она што лежи во основата? Дали оваа бестрашност е вродена? Дали психопатите го докажуваат тоа уште на рана возраст? Дали психопатите се навистина бестрашни или има други фактори што укажуваат на други причини? Дали бестрашноста е предиктор за психопатија?

Концептот на „бестрашен темперамент“ бил промовиран од професорот Дејвид Ликен од Универзитетот во Минесота во 1957 година. Тој е првиот што ја проучувал бестрашноста во психопатија во експериментален амбиент и ја развил Хипотезата за низок страв за психопатијата, со која заклучил дека психопатијата произлегува од потпросечното поседување вродена бестрашност кај детето. Тврди дека стиловите на воспитување можат да го ублажат или нагласат изразот на бестрашноста на детето.

- Студиите објавија значајни асоцијации помеѓу младинските психопатски особини и бестрашноста. Дополнително, студиите забележаа дека бестрашноста проценета рано во животот е поврзана со идните бесчувствителни и неемоционални особини - се вели во истражувањето неодамна објавено во списанието „Деца“ со седиште во Базел.

Една неодамнешна студија дополнително ја испитала хипотезата на Ликен за низок страв и појавата на бесчувствителни/неемоционални особини кај децата. Бестрашноста се манифестира во проблеми со однесувањето, кога децата покажуваат бесчувствителни особини. При испитувањето на улогата на родителството, оваа студија утврдила дека родителските интервенции може да помогнат во посредувањето во изразувањето на бихевиоралните проблеми, кои произлегуваат од бестрашноста. Студијата не нашла забележителни родови разлики.

Истражувачот на психопатијата Кент Киел, кој е дел од истражувачка мрежа во Ново Мексико, спровел истражување за улогата на бестрашноста во психопатијата. Во извештајот од 2021 година објавен во „Журналот за психопатолошка процена на однесувањето“ се дискутира за невронауката за бестрашноста. Било забележано дека обработката на стравот во мозокот е поврзана со анатомска структура во облик на бадем позната како амигдала.

- Поддршката за хипотезата за низок страв е укотвена во психофизиолошките и бихевиоралните докази дека психопатите често покажуваат ниска анксиозност и нарушена употреба на емоционално истакнати информации (особено закана) - заклучиле во извештајот.

Извор: psychologytoday.com

Фото: Freepik