Новогодишна анкета од 1966 година, за претстојната 1967 година. На кој начин во минатото се дочекуваше Новата година во Југославија.

На што се радуваш во 67-ма година?

„Среќен ме прави тоа што конечно ќе имам 19 години и мајка ми повеќе нема да може да ми вели „Се`уште си дете“ - Милутин Бајчев

„Би сакала да добијам бебе кое може да се чешла!“ - Дубравка Југ

„Во 67-ма година најмногу се радувам на уредувањето на новото кино во нашето село“ - Ивица Милинг

„Новите истражувања за космонаутите и вселената“ - Маријан Шчури

„Веќе 2 години се допишувам со една прекрасна девојка од далечниот Сибир. Таа вети дека на лето ќе ме посети. Уште од сега се радувам на нашиот состанок и заедничките денови“ - Анкица Мајнариќ

„Би ме направила среќна мајка ми побрзо да оздрави после операцијата“ - Душица Антиќ

„Се радувам затоа што очекувам повик за ЈНА. Требаше да одам оваа година, но ненадејно ме задржаа на болница. Затоа сега нетрпеливо го чекам тој ден“ - Владимир Смиљаниќ

„Другари, јас се радувам што во 67-ма година ќе одам на Јадранско Море“ - Фрањо Пури

„Во новата 67-ма година се радувам на нашиот успех на полето на „beat“ музиката“ - Дамир Јеличиќ

„Можноста да и` искажам љубов на мојата девојка. Ако ништо друго, барем можност да ја бакнам“ - Ненад Мечава

„Во 67-ма се радувам на новите случувања со соучениците и пријателите“  - Изток Коритник

„На моите 18 години - се` она што тие ќе донесат“ - Станислава Пешиќ

„Во 67-ма година се радувам на многу работи. На пример: на летниот распуст, бидејќи минатата година не го имав. Се подготвував и два пати го полагав приемниот испит за гимназија (го положив)“ - Бранислав Морача

„Се радувам на животот“ - Мирјана Садоловиќ

„Во 67-ма се радувам на напредувањет ово џудо“ - Едвард Ферме

Од што стравуваш?

„Од полугодието кое доаѓа“ - Маја Кнол

„Да не добијам кец!“ - Мишо Комазец

„Во 67-ма стравувам да не се случи Трета светска војна“ - Бранка Шијан

„Во 67-ма стравувам да не ми се оствари казната со која ми се закани едно момче“ - Даница Трупељак

„Да не се распаднат Битлсите“ - Миран Цар

„Стравувам од предновогодишната програма на ТВ“ - Давор Шверко

„Да не дојдат Битлсите“ - Нена Николиќ

„Хм... не се плашам од ништо. Или можеби од неуспех на училиште? Да, тоа“ - Јармила Хрнчиар

„Да не се случи крај на светот како што на многу приказни им дошол крајот“ - Омер Кличиќ

„Стравувам од вишок на работна сила“ - Маргарета Мариниќ

„Се плашам во „Плавцу“ да не ми излезе стрипот кој го испратив во редакцијата“ - Милан Кљајин

„Стравувам при првата помисла дека нема да добијам работно место“ - Живко Живковиќ

„Стравувам дека нема да можам да се запишам во средното училиште кое го сакам (техничко)“ - Здравко Ињаќ

Што посакуваш во 1967 година?

„Патување со авто-стоп низ Европа, логорување низ разни делови од Југославија“ - Бранка Тибљаш

„Да се вработам некаде“ - Маријан Шќури

„Сакам да постигнам подобар успех на матура, да се запишам на факултет и некој магазин да ми ги објави песните“ - Фрањо Кутен

„Сакам една личност да се покае за она што го направи“ - Даница Трупељак

„Од тетка ми од Америка да наследам многу пари; би ги однела сите мои пријатели на излет во Рио де Жанеиро и на Копакабана“ - Вера Тешниќ

„Да добијам воени документи со одлични карактеристики“ - Томо Пејиќ

„Единствена моја желба во 67-ма година е да ме примат во воена воздухопловна академија“ - Јадранка Балшковиќ

„Сакам да ми се оствари желбата да добијам нова соба и гитара и да дојдат Битлсите во Пула“ - Давор Шверко

„Првата желба во 67-ма година ми е опстанок на училиште, појачало за електричната гитара, завршување на војната во Виетнам и други помалку важни ситници“ - Младен Дупланчиќ

„Најголема желба ми е на лотарија или на било кој друг начин да добијам многу, многу книги, бидејќи моето хоби е читање, а би сакала по некоја среќа мојата омилена група, Ролинг Стоунс, да залута во Југославија“ - Нена Николиќ

„Сакам пријател кој ќе ме разбере и кој ќе биде искрен. Би сакала конечно да го пронајдам“ - Даворка Петричиќ

„Сакам Виетнам да добие независност. Да престане трката во нуклеарното вооружување, да престанат нуклеарните (пробни) експлозии, научниците од сите земји да се здружат и да ја освојат вселената, да престане трката за освојување на Месечината поради стратегиска позиција“ - Бранислав Морача

„Би сакал во 67-ма година да ми се оствари долго очекуваниот состанок со девојка од Ниш со која се допишувам“ - Жељко Радек

„Сакам што подобро да успее земјоделската реформа“ - Филипинка Маџар

„Би сакала да отпатувам во Брчко за време на распустот“ - Верица Латинкиќ

„Сакам во 67-ма година на татко ми (просветен работник) да му ја зголемат платата“ - Хрвоје Дугоњиќ

„Тато да ми купи „Колибри“ - Богдан Јовиќ

„Нашиот ракометен клуб од Скопје да премине во Републичка лига“ - Веле Сименовски