Ново истражување на американските научници покажа дека сите облици на седење немаат еднакво штетен ефект врз здравјето на срцето и уочиле разлика меѓу седењето додека сме на работа и извршуваме канцелариска работа и додека се одмараме на каучот пред телевизорот.

Одамна знаеме дека седентарниот начин на живот, а тоа е кога седиме со часови, малку се движиме и не вежбаме, многу лошо влијае врз здравјето на поединците, особено врз здравјето на срцето и крвните садови.

Дури и научниците биле изненадени кога откриле дека времето што некој го поминува седејќи на каучот дома и гледајќи телевизија е поврзано со поголем ризик од развој на срцеви заболувања отколку седењето на работа.


Научниците анализирале податоци собрани во текот на осум и пол години од 3.592 учесници. Податоците вклучувале информации за тоа колку време учесниците поминале седејќи на работа и колку време поминале гледајќи телевизија во споредба со вежбањето во нивното слободно време.

Дијаз и неговите колеги откриле дека сите оние што одговориле дека секојдневно поминуваат четири или повеќе часа пред телевизор имале ризик од развивање кардиоваскуларни болести и предвремена смрт за 50 отсто поголем во споредба со лицата што пред телевизор поминуваат два часа или помалку.

Ни на научниците не им е целосно јасно дека седентарниот начин на живот во слободното време е потенцијално поштетен отколку седењето во канцеларија, но веруваат дека станува збор за долгото непрекинато седење.

- Повеќето луѓе имаат обичај долго да седат на каучот гледајќи телевизија и да не се движат. На работа, сепак, повремено стануваме - вели д-р Дијаз.

Истовремено, повеќето од нас во слободното време додека седиме и гледаме телевизија имаме тенденција да јадеме грицки, преработена и брза храна и да консумираме засладени и газирани пијалаци.

Другото можно објаснување може да биде времето за одмор и седење во слободното време.