Факултетот за информатички науки и компјутерско инженерство (ФИНКИ) ги објави прелиминарните ранг-листи за првиот уписен рок за академската 2024/2025 година, кои можете да ги погледнете ТУКА.

Поднесувањето приговор за прелиминарната ранг-листа на пријавени кандидати во прв уписен рок ќе се врши до 6.9.2024 година до 12:00 часот.

Од ФИНКИ истакнуваат дека сите кандидати што не се рангирани имаат можност да се доизјаснат за студиските програми во кои има слободни места:

Софтверско инженерство и информациски системи
Интернет-мрежи и безбедност
Компјутерски науки
Компјутерско инженерство
Стручни студии за програмирање

Новото рангирање ќе биде направено без притоа да се промени редоследот на претходно рангираните кандидати. Промената на изборот на студиската програма или начинот на студирање се прави со пополнување Изјава за дополнување на избраните студиски програми најдоцна до 6.9.2024 година до 12:00 часот.