Индиските истражувачи од Советот за научни и индустриски истражувања и два други института ја тестираа „хипотезата за хигиената“ со истражување кое сугерира дека областите со голема распространетост на заразни болести веројатно ќе забележи помалку смртни случаи од Ковид-19.
Тие го цитираат фактот дека провинцијата Бихар, позната по најлошиот индекс на човечки развој, со 1,3 милијарда жители, досега покажала стапка на смртност од 0,5 отсто од Ковид-19, што е околу третина од националниот просек.
Објавено на 19 октомври на веб-страницата „Медрексив“, истражувањето чека рецензија, но смело тврди дека парадоксално, подобрата хигиена доведува до помало тренирање на имунитетот и со тоа може да доведе до поголема смртност на милион лица.
Освен тоа, истражувачите откриле дека колку се полоши показателите за квалитетот на водата и санитарните индекси, толку е помал бројот на смртни случаи од Ковид-19 на милион жители.
Горенаведеното може да изгледа како голем удар врз тезата за зголемена хигиена за време на пандемија, но индиското истражување сепак нагласува и предупредува дека лошата хигиена при справување со Ковид-19 во никој случај не треба да се усвојува како стратегија.
Фото: Freepik
- Иако даваме можно објаснување засновано врз разликите во санитарните практики и стапката на смртност помеѓу економски силните и слабите земји, ова не треба да се сфати како наша промоција на посиромашни
хигиенски практики во борбата против идните пандемии - истакнуваат индиските научници.
Она што тие всушност сакаат да го кажат е дека постојат нови можности за „имунолошки тренинг“ и употреба на терапии со микробиоми како замена за конвенционалните хигиенски и санитарни практики.
И претходните научни истражувања, исто така, покажаа дека изложеноста на патогени може да го зајакне имунитетот на луѓето против инфекции, но тоа и понатаму се наоѓа под лупата на науката.
Но, наведеното индиско истражување веќе има и научни критики. Ману Рај, професор и постар советник на Институтот „Армита“ во Кочи, верува дека истражувањето содржи премногу претпоставки.
- Сигурен сум дека вториот бран ќе ги уништи сите нивни заклучоци и дека ќе се појават нови претпоставки. Корона-сцената е исклучително променлива и повеќето од раните претпоставки сега исчезнаа. Затоа, би рекол дека сето тоа изгледа доста интересно, но ќе мора уште еднаш да анализираме по вториот бран - заклучувај Рај.
Извор:
Medicalexpress.com
Фото: Freepik