Планирањето за пензионирање може да биде стресно, а нов извештај од централната банка на САД, односно Федералниот резервен систем, покажува дека многумина Американци не почнале да штедат за животот по завршувањето со работата.

Федералниот резервен систем неодамна објави извештај за финансиите во домаќинствата во САД, базиран на шестото годишно испитување на економијата и носењето одлуки во домаќинствата, во чии рамки биле поставени серија прашања за финансиската и економската благосостојба и статусот на испитаниците.

Самооценувањето на плановите за пензија на Американците исто така покажува дека има големи загрижувања за подготвеноста за пензионерскиот живот. Според извештајот, 36 отсто од непензионираните возрасни Американци мислат дека нивната заштеда за пензија е на вистинскиот пат, додека 44 отсто велат дека не е на вистинскиот пат, а остатокот не се сигурни.

Други извештаи покажуваат дека Американците се загрижени за нивните планови за пензионирање. Во неодамнешно истражување луѓето биле запрашани за финансиските цели и приоритети и 19 отсто од испитаниците истакнале дека доволно заштедени пари за да може да се пензионираат е нивниот врвен приоритет, но 39 отсто од таа група верувале дека всушност никогаш нема да ја постигнат нивната цел.