Кога размислувате за хотел покрај море, веројатно замислувате плажа, палми, песок, базен и лежалки. Но, во хотелот „Фрајинг пен“, кој се смета за најопасниот во светот, нема ништо од тоа.
Сигурно не замислувате огромна метална структура на километри од брегот опкружена со ајкули и разбрануван океан. Ако резервирате соба во хотелот „Фрајинг пен“, токму тоа ќе го добиете.
Хотелот се состои од огромна метална конструкција поставена во плитка вода на околу 50 километри од источниот брег на Северна Каролина. Се издигнува до висина од 41 метар, а виси на четири огромни столба кои се поврзани со метални носачи.
Која е целта на оваа структура поставена во средината на океанот?
Градбата првично била изградена во 1964 година за заштита на бродовите да не заринкаат во плитките води.
И додека светилниците обично се градат на цврста земја, овој морал да биде во средината на океанот, што го прави повеќе да изгледа како нафтена платформа. Подоцна кулата била користена како платформа за набљудување и проучување на рибите. Во 2010 година платформата ја купил Ричард Нил од Оклахома, кој одлучил да ја претвори во уникатно место за престој на луѓето.
Овој хотел нема да ви овозможи луксузно искуство со пет ѕвезди, но секако може да понуди вистинска авантура доколку сте авантуристи. На платформата има хелиодром или можете да се качите на врвот од брод. Внатрешното сместување не е луксузно, но она што можете да го очекувате е спектакуларен поглед на морето и неверојатно изгрејсонце.
Кулата има осум спални соби.