Алтон Мејсон е првиот модел со афроамериканско потекло што прошета по пистата на шоуто на „Шенел“ во 109-годишната долга историја на брендот.
Мејсон беше дел од древниот египетски спектакл по повод изложбата „Метиерс д’Арт“.
Иако Фарел Вилијамс претходно соработуваше со „Шенел“, Мејсон е првиот професионален модел од афроамериканско потекло што се појави на пистата за „Шенел“. Пишувањето историја беше значаен чекор за Мејсон, кој својата благодарност ја сподели на социјалните мрежи.
- Благословен сум бидејќи имав можност да прошетам на модната писта за „Шенел“. Ова е момент кој никогаш нема да го заборавам. Да се види уметноста внатре во музејот и да се работи со неверојатен тим, е нереално. Да се биде прв модел со афроамериканско потекло... Што? Уште не можам да поверувам - напиша Мејсон на „Инстаграм“.
Извор: МИА