Кога минатиот септември грчката политичарка Дора Бакојани ја посетилa канцеларијата на градоначалникот на Кожани, сакала да запали цигара, но службениците ѝ рекле дека пушењето во затворен простор е забрането. Таа им се заблагодарила што ја потсетиле на правилата.

Целата ситуација се проширилa на социјалните мрежи и повторно го покренала прашањето: Што стана со забраната за пушење во Грција?

Од летото 2017 година Кожани е еден од малкуте градови во Грција што целосно го забранија пушењето во затворени простории. Инаку, законот во целата земја е во сила уште од 2009 година, но...

Казната за поединецот што ќе биде фатен во затворен простор со цигара е повисока од илјада евра, а полицијата многу поостро ги контролира локалите по 22 часот.

- Сметам дека примената на законот против пушење е прашање на демократија и заштита на јавното здравје. Од некого мора да почне. Постои закон, а никој не го почитува - истакна градоначалникот на Кожани, Лефтерис Јоанидис.