Пријавувањето во првиот уписен рок на Универзитетот „Климент Охридски” – Битола се спроведува од 12-ти до 14 август.

На десетте факултети и високата медицинска школа кадешто кандидатите ги доставуваат документите, бројот на пријавени достигна околу 1100 студенти. За незапишаните, УКЛО ќе спроведе уште два уписни рока, вториот ќе се одржи на 2 и 3 сепетмври, а третиот на 14 септември 2015 година.

Во престојните уписни рокови, право да конкурираат за индекс имат и лицата кои положиле училишна матура во гимназиско образование или завршен испит по завршено соодветно стручно средно образование.

Според Конкурсот, во академската 2015/2016 година на прв циклус студии на Универзитет „Климент Охридски” - Битола има вкупно 3803 места: 2090 во државна квота, 965 со кофинансирање и 748 за вонредни студии. Износот за партиципација е 200 евра во државна квота, 100 евра зa дисперзираните студии  и по 400 евра за кофинансирање и за вонредни студии.