Традицијата со фрлање со домати започнала во 1945 година во Бунола, во близина на Валенсија. Се работи за најпознатата битка со домати на светот, Томатина. Вчера, Томатина беше одржана по 70-ти пат пред 22.000 туристи. Во настанот биле искористени 150 тони домати, кои за еден час се нашле на сите страни на улиците.

Оваа традиција започнала од кавга на продавачи на пазар во Бунола. Настанот се одржува секоја последна среда во август и трае точно еден час. Правилата се едноставни: здробете зрел домат во раката пред да го фрлите некому и слушајте кога ќе ви кажат дека им е доволно. Погледнете фотографии од настанот во галеријата.