Иако студиите во некои земји во ЕУ се бесплатни за странци, тоа не значи дека секој може веднаш да се запише на студии таму. Впрочем, дури и доколку сте завршиле студии во Германија, можеби вашата диплома нема да биде признаена во Франција.

Впрочем, нема автоматско признавање на академските дипломи во рамките на Европската унија. За да дознаете дали вашата факултетска диплома е признаена во земја од Европската унија, мора да поминете низ процедура за признавање доколку сакате да ги продолжите студиите надвор.

Секоја влада во ЕУ е одговорна за својот образовен систем и има целосна слобода да применува сопствени правила, меѓу кои и признавањето на академските дипломи од друга земја.

Како да проверите?

Во повеќето случаи, може да добиете „изјава за споредување“ на универзитетската диплома со која изјавувате како вашата диплома е слична или еднаква со дипломите кои се доделуваат на универзитетите во земјата кадешто сакате да студирате.

За да го сторите тоа, потребно е да го контактирате центарот ЕНИЦ/НАРИЦ во земјата кадешто сакате дипломата да биде споредена. Во зависност од земјата кадешто се оценува дипломата и целта на проценката, центарот ќе ја процени дипломата или ќе ја испрати на проценка на соодветните одговорни лица.

Пред да ја направите споредбата проверете дали проценката чини нешто, колку време трае, какви документи ви се потребни и што може да сторите доколку не се согласите со резултатот. Имајте предвид дека доколку доставите документи во формат на „Еуропас“, дипломата може да биде споредена полесно.