Комплетот за работа и пишување на „Microsoft“, „Microsoft office“ може да биде скап за купување за повеќето студенти. Еден начин за одбегнување непотребни трошоци на ова поле е преземање бесплатна алтернатива.

„Hack college“ нуди неколку одлични замени за пакетот кои се бесплатни. Повеќето од овие алтернативи работат на „Microsoft windows“, „Apple OS-X“ или „Linux“ и сите може да ги вчитуваат документите составени во оригиналниот „Microsoft office“.


„Apache open office“ е оригинален проект развиен за слободно користење. Пакетот има шест компоненти кои одговараат со „Microsoft office“: за пишување, за пресметување, за презентации, за цртање, за податоци, за создавање математички равенки.


„Libre Office“ е дел од „Open office“. Овој пакет има помодерен изглед, а ги вклучува речиси сите компоненти, но со различни имиња.


„Neo Office“ е создаден специјално за студенти кои го користат оперативниот систем на „Apple“. Со него може да се вчитуваат, уредуваат и зачувуваат документи од други слични пакети.


„Calligra Suite“ има сè потребно за еден пакет за работа и повеќе. Работи на сите платформи, но создаден е специјално за „Linux“. Во пакетот има девет модули за креативна работа, повеќе од сите останати пакети. Модулот „Calligra author“ е наменет за пишување романи или книги и вклучува алатки за планирање, пишување и објавување на напишаните дела.