Во петок (8.04.2016) ќе се одржи отворен ден на Технолошко-металуршкиот факултет во Скопје, на кој средношколците ќе може да се запознаат со насоките кои ги нуди овој факултет како и можностите за научно-истражувачка работа.
- Во периодот од 10 до 14 часот сите заинтересирани средношколци можат да го посетат нашиот факултет и детално да се запознаат со наставните програми кои ги нудиме, просторните услови и лабораториите со кои располагаме. Ве очекуваме - велат од ТМФ.
Професори и асистенти од насоките на додипломски студии ќе ги запознаат заинтересираните со програмите на следните насоки:
-Полимерни материјали, дизајн и менаџмент
-Неорганско инженерство и заштита на животна средина
-Дизајн и инженеринг на облека
-Металургија, дизајн и менаџмент
-Прехранбена технологија и биотехнологија
-Дизајн и менаџмент на технолошки процеси
-Инженерство на материјали и нанотехнологии