Јапонски научници објавија дека имаат решение за една од најголемите мистерии на планетата Земја – ја дефинираа третата можна компонента од која е составено јадрото на нашата планета.
Истражувачите од Универзитетот „Тохоку“ тврдат дека врз база на нивните истражувања, најверојатно се работи за силициум пренесуваат медиумите.
Се верува дека јадрото на Земјата се состои од 85 проценти железо, 10 проценти никел и 5 проценти непозната материја, но најверојатно елементите што недостигаат се силициум, сулфур или кислород.
„Ако силициумот е третиот елемент на јадрото, тоа значи дека површината на Земјата била богата со кислород и во времето на нејзиното создавање“, соопштуваат од овој јапонски универзитет.