НАСА бара помош од граѓаните во нивниот нов проект. Станува збор за сортирање на ноќните фотографии направени од Меѓународната вселенска станица.

 

Имено, досега се собрани повеќе од 1.8 милиони фотографии од Земјата направени од вселената, од кои 1.3 милиони се снимени од Меѓународната вселенска станица.

„Локациите на фотографиите не се секогаш одредени, што го ограничува користењето на фотографиите. Токму тука доаѓа граѓанското знаење“, велат од НАСА.

Од НАСА велат дека се надеваат дека овие фотографии ќе придонесат за подобро здравје и безбедност на луѓето и ќе помогнат во сфаќањето на хемискиот состав на атмосферата.

Токму затоа, Универзитетот во Мадрид започна проект наречен „Cities at Night“ со цел да се направи категоризација на фотографиите. Наједноставниот дел од проектот е „Dark Skis ISS“ во кој од интернет корисниците се фотографиите да ги поделат на фотографии од градови, ѕвезди и други објекти. Другиот дел е наречен „Night Cities ISS“ каде на местата на фотографиите треба да се стават локации. Третиот и најголем дел се нарекува „Lost at Night“, а за него е потребна помош од граѓаните научници.