Денес е среда, 25 јануари 2017 година, 25-иот ден во годината. Сонцето
изгреа во 06:47, а ќе зајде во 16:44 часот. Денот ќе трае 9 часа и 57
минути.
Претежно облачно и малку потопло утро во однос на вчерашното, а сосема
слаби врнежи од снег има локално во западните и југозападните предели.
МАКЕДОНИЈА – Во среда во текот на денот се очекува претежно облачно
време кое ќе биде проследено со засилен северозападен и североисточен
ветер кој ќе достигне брзина и до 40 км/ч и студено време. Во
југозападните, јужните и југоисточните предели со услови за провејување
на слаб снег и слаби врнежи од дожд, додека пак во останатите предели
попладне и со услови за повремени сончеви периоди. Утринските
температури од -8 до 1 степен, додека пак максималните дневни ќе
достигнат до -3 односно до 5 степени.
СКОПЈЕ – Во Скопје во утринските часови појава на слаба магла, а во
текот на денот ќе биде претежно облачно со услови за сосема кратки
сончеви периоди и ветровито. Ќе дува доумерен северозападен ветер.
Утринската температура од -3 степени, а максималната дневна до 1 степен.
МАКЕДОНИЈА 5 ДЕНА – Во четврток умерено облачно време со повремени
сончеви периоди и студено време, а во југозападните, јужните и
југоисточните предели со услови за провејување на слаб снег и слаби
врнежи од дожд. Утринските темепратури од -13 до -3 степени, додека пак
максималните дневни од -4 до 4 степени. Во петок и сабота студено утро
со утрински температури од -16 до -5 степени, во текот на денот ќе биде
претежно сончево со локална облачност и студено време со температури кои
ќе достигнат од -5 до 3 степени во петок, односно од -3 до 6 степени во
сабота. Во недела умерено облачно време со повремени сончеви периоди и
малку потопло време. Утринските температури од -11 до -2 степени, додека
пак максималните од -1 до 7 степени.
Weather4all.com.mk