Луѓето во главно се свесни дека климатските промени се реални, но не и дека тие влијаат директно врз нив. Обично се мисли на проблеми како потобли зими и пожешки лета, но не и на проблеми како на пример, промена на вкусот на кафето.


Според најнови извештаи повеќе од половина од кафето во Етиопија расте во области кои нема да бидат погодни за земјоделство во блиска иднина, а истата судбина ги чека и производителите во Бразил, Индонезија и Колумбија до 2050та.

Кафето расте во области со жешка клима, па што ако стане уште пожешко? Она што е важно е дека токму тие специфични локации имаат влијание на вкусот на кафето, па кога се менува областа се менува и вкусот. Затоа кога еден ист вид кафе расте во две држави има различен вкус.

Едно можно решение за овој проблем е да се „пренесе“ производството на кафето во простори каде што ќе биде постудено, но секако и ова би значело дека ќе се промени вкусот. Ова покрај другото, ќе значи и поинаков квалитет на почвата, а и милиони фармери кои сега одгледуваат кафе би требало да се пресела и адаптираат на нови услови и целосно да си го променат животот.

Ако луѓето повеќе се прилагодат на генетското инженерство, би можело да се проба кафето да се направи поотпорно на жештина и суша, но за сега јавноста не го прифаќа ова. Ако не се преземат соодветни мерки, веројатно е дека ќе се соочиме со недостаток од кафе.

Кога Бразил се соочи со суша во 2014, цената на кафето се дуплира, а тоа сега се случува и со Етиопија.

Можеби нема да пречи мал раст на температурите од година во година, но по неколку децении со сигурност ќе спомнете дека вкусот на кафето се променил низ годините.