Денес е понеделник, 28 август 2017 година, 240-иот ден во годината.
Сонцето изгреа во 05:49, а ќе зајде во 19:18 часот. Денот ќе трае 13
часа и 29 минути.
Новиот ден во новата седмица го започнуваме со потопло утро со благ
пораст на утринските температури. Освен топлото утро до сателитската
слика која што е направена во 6 часот можеме да забележиме дека насекаде
преовладува претежно ведро време.
МАКЕДОНИЈА – Во Македонија денес ќе биде сончево и многу топло време со
температури кои што ќе бидат над повеќегодишниот просек за овој период
од годината. Утринските ќе се движат во интервал од 8 до 19 степени,
додека пак максималните дневни ќе достигнат до 28 односно до 38 степени.
Во текот на денот ќе дува доумерен слаб северозападен и североисточен
ветер. УВ Индексот ќе има вредност 8.
СКОПЈЕ - Во Скопје денес сончево и многу топло време. Слаб северен
ветер. Утринската температура од 17 степени, додека пак максималната
дневна ќе достигне до 36 степени. УВ индекс 8.
МАКЕДОНИЈА 5 ДЕНА - Во вторник преодна дестабилизација на времето, ќе
биде умерено облачно и нестабилно со локални врнежи од дожд, ветровито и
посвежо време со дневни температури кои што ќе бидат во опаѓање и ќе се
движат од 21 до 31 степен. Во среда умерено облачно време со повремени
сончеви периоди, ветровито и свежо време со дневни температури од 21 до
31 степен. Во четврток и петок по свежото утро со утрински температури
од 7 до 16 степени во текот на денот ќе биде претежно сончево со појава
на локална облачност и потопло време со температури од 23 до 33 степени,
односно од 24 до 34 степени.
Weather4all.com.mk