Денес е вторник, 12 септември 2017 година, 255-иот ден во годината.
Сонцето изгреа во 06:05, а ќе зајде во 18:53 часот. Денот ќе трае 12
часа и 48 минути.
Ова утро во Македонија имаме претежно облачно, ветровито и релативно
топло време за овој период од година. Локално во јужните и југоисточните
предели умерено облачно време со повремени сончеви периоди.
МАКЕДОНИЈА – Во Македонија денес во раните утрински часови во крајните
западни и крајните источни предели со услови за слаби локални врнежи од
дожд кои постепено ќе престануваат. Во текот на денот ќе преовладува
умерено облачно време со повремени сончеви периоди, ветровито и свежо
време, а услови за сосема слаби локални врнежи од дожд ќе има во
крајните северозападни и западни планински предели. Ќе дува доумерен
засилен јужен и југозападен ветер кој ќе достигне брзина и до 30 км/ч.
Утринските температури од 12 до 21 степени, додека пак максималните
дневни ќе достигнат до 19 односно до 31 степени. Во текот на ноќта
вторник кон среда намалување на облачноста.
СКОПЈЕ - Во Скопје денес ќе биде умерено облачно со повремени сончеви
периоди, ветровито и свежо време. Ќе дува засилен југозападен ветер.
Утринската температура од 17 степени, додека пак максималната дневна до
28 степени.
МАКЕДОНИЈА 5 ДЕНА - Во среда свежо утро со утрински температури кои што
ќе се движат во интервал од 6 до 16 степени, а во текот на денот ќе биде
претежно сончево со појава на локална облачност и малку потопло време со
благ пораст на дневните температури кои што ќе се движат во интервал од
21 до 32 степени. Во четврток и петок по свежото утро со утрински
температури од 6 до 16 , односно од 5 до 15 степени во текот на денот ќе
биде претежно сончево и потопло време со пораст на дневните температури
кои што ќе се движат во интервал од 23 до 34 односно од 24 до 35
степени. Во сабота сончево и многу топло време. Минималните температури
од 6 до 16 степени, додека пак максималните дневни ќе бидат во пораст и
ќе достигнат до 25 односно до 37 степени, температури кои што ќе бидат
високо над просекот за овој период од годината.
Weather4all.com.mk