Сакате да пиете вино? Обожавате да патувате на убави дестинации и сакате да ви платат и за пиење вино и за патување? Тогаш ова е вистинската работа за вас.

Компанијата за вино „Марфи-гуд“ неодамна објави дека е во потрага по нов член во нејзиниот тим, кој ќе биде дел од целата забава во Сонома.

- Барате промена во вашата кариера и сакате да ја следите вашата страст? Дали зборовите кабарне, розе и шардоне постојано излегуваат од вашата уста? Кажете ни зошто би ја сакале оваа работа - објаснува компанијата на својата веб-страница за апликации.

Како што известува компанијата, новата работа од соништата ќе почне со винарот Дејвид Реди Џуниор и истражување на сите аспекти на жетвата. Компанијата ќе работи со новиот кандидат за да ги најде неговите уникатни страсти и да му помогне да го разбере патот што му одговара во бизнисот со виното.

- Небото е вашата граница - велат од компанијата. Во замена, компанијата ќе му плаќа на својот вработен месечна плата од 10.000 долари, како и кирија во Сонома, Калифорнија, во период од една година.

Работните обврски вклучуваат поттикнување на вашата кариера/живот за создавање авантура во индустријата за вино, стекнување знаење за лозјата, винарската дејност и виното воопшто и учење на растечкиот и динамичкиот свет на е-трговијата.

Надвор од работата, новиот вработен ќе добие шанса да ја истражува Сонома и ќе има задача да развива работни односи во винарницата. Новиот вработен ќе треба да гради односи со вработените, трговијата и потрошувачите на „Марфи гуд“, како и да обезбеди гостопримство за трговија.

Апликантите мора да бидат над 21 година и да имаат овластување за работа во САД.


Извор: Foodandwine.com
Фото: Freepik