Лондонскиот мост низ годините доживеа неколку подеми и падови. Изграден со камен помеѓу 1176 и 1209 година од страна на Питер Колчрч, свештеник и архитект, озлогласениот мост бил широк 20 метри и долг 274 метри. Инженерството вклучувало прицврстување на дрвен подвижен мост во центарот, со цел да се регулира речниот сообраќај и да се спречат напаѓачи.

Но, кога трговците почнале да тргуваат и да градат на мостот, тоа довело до катастрофални последици, заробувајќи значителен број луѓе при избувнувањето пожар од двете страни.

Оттогаш, мостот бил реконструиран два пати, еднаш во 17 век по владеењето на кралот Чарлс II. Мостот повторно бил отворен за јавноста во 1831 година.

Модерниот Лондонски мост бил повторно изграден помеѓу 1968 и 1972 година. Сега мостот се соочува со уште еден неуспех.


Повеќето мостови во Лондон се изградени да траат најмалку 100 години. Овој мост постојано бара напор за одржување.

- Мостот го дефинира Лондон и го поврза градот со остатокот од земјата. Тешко е да се замисли како би продолжил градот без него. Има помалку сводови и е направен од бетон, па од инженерска гледна точка тоа е фантастично. Мостот не ја затнува реката како старите градби, но направивме неколку естетски промени - вели Крид.

Спречување на Лондонскиот мост да падне

Крид заедно со другите инженери и градежни работници треба да се погрижи да не се оствари познатата песна „Лондонскиот мост паѓа“.

- Никогаш не ѝ дозволив на мојата ќерка да пее „Лондонскиот мост паѓа“ кога беше мала. Таа песна беше забранета - вели Крид.

Мостот страдаше многу, па дури и се соочи со терористички напади и несреќи на бродови, а многу пати се појави и во филмовите.

Крид нагласува дека работи на заштита и одржување на мостот што е можно подолго.

- Мостот е културно богатство и неговото зачувување е голема одговорност - вели тој.

Извор: Interestingengeneering.com
Фото: Wikipedia