Интелигентните луѓе често се поврзуваат со вештини за висока концентрација, но новото истражување на Универзитетскиот колеџ во Лондон, сугерира дека тоа можеби не е секогаш случај. Истражувањето, кое опфатило 165 испитаници на возраст од 18 до 35 години, покажало дека луѓето со повисок коефициент на интелигенција често имаат проблеми со концентрацијата и се повеќе склони кон одвлекување на вниманието.

Во истражувањето, научниците го следеле однесувањето на субјектите и го испитувале нивниот мозок. Резултатите биле изненадувачки: се покажало дека интелигентните луѓе имаат повеќе неврони во мозокот во споредба со другите, а овие неврони може да бидат причина за губење на концентрацијата.

Студијата открила инверзна врска помеѓу бројот на неврони во горниот фронтален лобус на левата хемисфера и способноста за концентрирање. Во едноставни термини, колку повеќе неврони има во таа област, толку е поголема веројатноста личноста да го изгуби фокусот.

Знаци на висока интелигенција

Оваа појава е особено изразена кај интелигентните деца. Овие деца може да имаат потешкотии да се фокусираат на една работа и често се немирни, бидејќи нивното внимание е фокусирано на многу различни работи одеднаш. Интересно е тоа што иако интелигентните деца можеби се слаби ученици на училиште, нивниот коефициент на интелигенција може да биде исклучително висок.

Ако забележите дека вашето дете е исклучително креативно, енергично, има неверојатна меморија и користи широк речник за неговата возраст, ова може да биде знак дека е исклучително интелигентно. Но, таа интелигенција може да бара насоки, за да се обезбеди нејзина правилна примена.

Оваа студија покажува дека интелигенцијата е сложен концепт и дека концентрацијата не е секогаш нејзин најдобар показател. Научниците предлагаат родителите и наставниците да бидат свесни за овие варијации и да обезбедат поддршка и насоки за интелигентните деца, за да можат максимално да ги искористат своите способности.

Извор: klik.hr

Фото: Pexels