Запознајте го Песто - пингвинот кој неодамна стана интернет-сензација.
Кралскиот пингвин Песто има само 9 месеци и 22,5 килограми. Тој е поголем од неговите родители со кои живее заедно во аквариумот „Си лајф“ во Мелбурн, Австралија.
Фотографиите од пингвинот Песто, кој е висок 90 сантиметри и е повисок од неговите родители, станаа вистинска сензација на интернет.
Фото: SEA LIFE Melbourne Aquarium
Песто е најтешкото бебе пингвин во историјата на овој аквариум. Неговите чувари велат дека Песто ќе престане да расте кога ќе почне да се осамостојува и кога ќе почнат да му растат вистински пердуви. Тој веќе почна да ги губи кафеавите пердуви, кои ќе ги заменат црно-бели пердуви на возрасен пингвин. Во текот на овој процес се очекува Песто да изгуби 15 килограми.
Песто се родил на 31 јануари оваа година како единствено бебе од овој вид пингвини во последните две години. Возрасните кралски пингвини тежат помеѓу 2 и 18 килограми и тие се вториот најголем вид на пингвини во светот.
Фото: SEA LIFE Melbourne Aquarium
Пингвините се сексуално мономорфни, што значи дека не можете да го препознаете нивниот пол гледајќи ги. За да се открие полот, чуварите земаат мала капка крв од нозете на пингвинот и ја испраќаат во лабораторија за да добијат официјален одговор.
Извор:
CNN
Фото: SEA LIFE Melbourne Aquarium