Во ново револуционерно истражување научниците од Технолошкиот универзитет „Илменау“ во Германија открија потенцијално спасувачка стратегија за преживување удари од гром. Со спроведување експерименти на вештачки човечки глави, инженерот Рене Махтс и неговиот тим открија дека натопувањето на главата во дождовница може да ги зголеми шансите за преживување до 90 отсто за време на бура со грмотевици.

Научниците конструирале лажни човечки глави дизајнирани да ги реплицираат својствата на електричната спроводливост на вистинските човечки глави. Едната глава се чувала на суво, а другата била натопена со вештачка дождовница. Потоа двете глави биле подложени на силна електрична струја.

Изненадувачки, влажната глава покажала помалку тешки повреди од сувата, што укажува на тоа дека влажната кожа може да понуди подобра заштита од удари на гром отколку сувата кожа.


Научниците ги мереле струите што минуваат низ и преку површината на главите, откривајќи дека површинскиот блесок се случил без оглед на тоа дали главата била влажна или сува. Меѓутоа, за влажната глава, значително помала струја навлегла во шуплината на мозокот - 32,5 отсто помалку отколку кај сувата глава. Тоа намалување на непосредната изложеност на мозокот, во комбинација со помала физичка повреда, може да ги подобри шансите за преживување на влажното лице за 70 до 90 отсто.

Иако крајната цел е целосно да се избегне удар од гром, истражувањето посочува дека натопувањето на дожд за време на бура, доколку нема засолниште, може значително да ги зголеми шансите за преживување.
Резултатите од истражувањето, објавени во списанието „Сајентифик рипортс“, обезбедуваат практични докази за поддршка на теоретската идеја дека влажната кожа навистина може да обезбеди подобра заштита од удари на гром во споредба со сувата кожа.

Извор: Science Alert
Фото: Technical University of Ilmenau