Киносалите ја доживеаја златната доба во 80-тите години. Пуканките беа евтини, блокбастерите беа забавни, а немаше паметни телефони да ви го одвлечат вниманието. Без оглед дали сте растеле во овој период или сте од помладата генерација, можете да патувате назад во времето со помош на јутјуб-каналот „Вемпајр робот“.
На овој јутјуб-канал, стара снимка покажува кино во Лос Анџелес, Калифорнија, на 27 март 1987 година. Се отвора со продавач кој на луѓето им дава билети, додека клиентите купуваат грицки и пијалаци. Подоцна во видеото луѓето се собираат во киното за да си ги изберат местата.
Гледачите денес ќе забележат неколку разлики помеѓу прикажаното и денешното искуство на кино. Една од нив е дека луѓето користеле готовина за да купат речиси сè, што веќе не е случај. Ковид-пандемијата е делумно виновна за промената бидејќи Американците главно престанаа да користат готовина.
Сега посетителите во кино обично купуваат билети онлајн. Но, тоа било незамисливо во 1987 година затоа што единствениот начин да се стигне до билет било да се застане во ред и да се чека.
Извор:
Mentalfloss.com
Фото: Screenshot/YouTube