Луѓето го поминуваат слободното време на различни начини, а во време кога сите сме охрабрени да останеме дома, се чини дека креативноста на некои поединци расте. Додека некои учат да свират укулеле или да готват, што велите за запишување на предмет на „Хогвартс“?


Станува збор за училиштето од книгите и филмовите за малиот магионичар Хари Потер. Обожавателите на оваа франшиза сега може да следат онлајн-предмети од ова училиште.

„Хогвартс ис хир“ е онлајн-мрежа на обожаватели на Хари Потер која постои од 2014 година. На мрежата се нудат предмети како астрономија, историја на магијата, одбрана од мрачните сили, магични напивки итн. Секој од предметите има девет лекции и од учениците се бара пишување есеи, читање и полагање тестови.


На мрежата може и да се играат игри, а има и заедничка виртуелна соба во која може да се дружите со други фанови.

Извор: purewow.com