Универзитетот „Свети Кирил и Методиј“ во Скопје е најдобро рангиран универзитет од Македонија на листата „
Вебометрикс“, а се наоѓа дури на 1.594. место во светот.
Вториот најдобро рангиран македонски универзитет - „Гоце Делчев“ во Штип не е ни блиску до УКИМ, и се најде дури на 3.711. место.
Повеќе од 800 места подолу, на 4.547. место се најде Универзитетот на Југоисточна Европа, а на 4.610 место е Државниот универзитет во Тетово.
Универзитетот „Свети Климент Охридски“ во Битола се најде на 6.304. место, а Меѓународниот балкански универзитет на 8.877. место.
Другите универзитети во земјава се рангирани од 12.017. место, па надолу, со тоа што Европскиот универзитет е најлошо рангиран и се наоѓа дури на 24.190. место.
Фото: Webometrics (printscreen)