Љубителите на добрата храна тешко дека може да останат гладни на Балканот. Поранешните југословенски држави имаат што да понудат кога станува збор за кулинарски специјалитети. А која од земјите од поранешна Југославија има најдобра храна?

Веб-страницата „Тејст Атлас“ објави интерактивна мапа со храната која е најпопуларна во Босна и Херцеговина, Србија, Црна Гора, Хрватска, Македонија и Словенија.

Така, за Македонија наведени се пастрмајлијата, симит-погачата, ширденот и крушевскиот локум.

Србија е позната по својот грав, гибаницата и плескавицата, а БиХ по ќебапите, неколкуте видови на сирење, цицварата и кљукушата.

Во Црна Гора, најпопуларни јадења се приганиците, мрзливата (лења) пита, Балшича тава и гравот.