Откако вчера деканот на ФИНКИ изјави дека директорот на ТИРЗ, Јован Деспотовски, понудил решение за проблемот со просторот, ФИНКИ апелира Владата на РСМ да го прифати решението на денешната седница.
Деспотовски рече дека имаат промоција на нови простории на ТИРЗ, па БРО може да се премести во старите простории на ТИРЗ.

- ФИНКИ изразува огромна благодарност до МАСИТ (Стопанска комора на за информатички и комуникациски технологии), од каде што дадоа безрезервна поддршка во однос на барањето на ФИНКИ и упатија апел до Владата на РСМ за итно решавање на проблемите со кои се соочува Факултетот. Во однос на предлогот на власта, односно директорот на ТИРЗ, Јован Деспотовски, ФИНКИ го поддржува и смета дека во дадениот момент претставува најдоброто решение за нашите барања. Апелираме до Владата на РСМ на денешната седница да го прифати понуденото решение - изјавија од ФИНКИ.