Околу 200 уметнички дела од колекцијата на еврејскиот адвокат Исмар Литман, кои биле тајно префрлени од нацистичка Германија во САД, ќе бидат понудени на аукција во Њујорк.

На наддавањето во аукциската куќа „Свон галерис“ главно ќе има цртежи, бакрописи и литографии кои се дел од колекцијата од околу 6.000 дела на Литман. Нив во САД пред Втората светска војна ги донел неговиот син Едвард, кој во 1933 се населил во Тексас.

Претставникот на аукциската куќа, Тод Вејман, рече дека ова е значајна колекција поради единствениот фокус на германски дела.

Литман изврши самоубиство во 1934 година. Неговиот син се вратил во Германија по смртта на својот татко и успеал да земе околу 800 уметнички дела со себе во САД, раскажува синот на Едвард - Џон Литман (81).

Извор: МИА