Индексот на цените на угостителските услуги во јуни 2022 година, во споредба со истиот месец од претходната година, е зголемен за 11,2%, покажуваат податоците на Државниот завод за статистика.
Индексот на цените на угостителските услуги во јуни 2022 година, во споредба со мај 2022 година, е зголемен за 1,4%. Споредено по групи на услуги, зголемување е забележано во групите храна за 1,9%, алкохолни пијалаци за 0,7%, безалкохолни пијалаци за 0,4% и ноќевања за 0,3%.
Кумулативниот индекс на цените на угостителските услуги за периодот јануари – јуни 2022 година, во споредба со истиот период од минатата година, е зголемен за 7,7%, додека во споредба со декември 2021 година е зголемен за 6%.
Насловна фотографија: Freepik