Сите што патуваат во Грција од Нова година ќе се соочат со повисоки цени на патарините.

Интернет-страницата „Грцијаинфо“ објави дека според новиот начин за пресметување на цените на патарините според километража, од 1 јануари 2019 година во Грција ќе поскапат патарините.

Новиот начин на наплата ја зголемува цената на патарините од 0,03 евра на 0,05 евра по километар за автомобилите. Зголемувањето изнесува од 66 отсто до 150 проценти.

Возачите на патарината на Евзони наместо досегашните 1,80 евро, ќе плаќаат 3 евра, во Солун 0,69 евра, кај Асправалта 1,42 евро, во Кавала 2,36 евра, а меѓу Игуменица и Јанина 3,42 евра наместо досегашните 2,1 евра.

Извор: МИА