Земјотрес со интензитет од 7,8 степени според Рихтеровата скала ги погоди вчера Турција и Сирија, при што загинаа најмалку 4.000 луѓе во двете земји. Се очекува бројот на жртвите да продолжи да расте додека спасувачите извршуваат операции во тешките временски услови, ниските температури и снегот за да извлечат луѓе затрупани под урнатините.
14 август 2021 година: Во земјотрес со јачина од 7,2 степени според Рихтеровата скала загинаа повеќе од 2.200 луѓе на Хаити.
28 септември 2018: Земјотрес со јачина од 7,5 степени во Индонезија - 4.300 жртви.
25 април 2015 година: Во Непал, повеќе од 8.800 луѓе загинаа во земјотрес со јачина од 7,8 степени.
11 март 2011 година: Земјотрес со јачина од 9 степени во близина на северниот брег на Јапонија предизвика цунами во кое загинаа речиси 20.000 луѓе.
12 јануари 2010: Во земјотрес со јачина од 7 степени според Рихтеровата скала на Хаити загинаа околу 316.000 луѓе, според владините процени.
12 мај 2008: Земјотрес со јачина од 7,9 степени ја погоди централната кинеска провинција Сечуан, при што загинаа повеќе од 87.500 луѓе.
26 мај 2006 година: Повеќе од 5.700 луѓе загинаа по земјотрес со јачина од 6,3 степени според Рихтеровата скала што го погоди индонезискиот остров Јава.
8 октомври 2005 година: Земјотрес со јачина од 7,6 степени според Рихтеровата скала уби повеќе од 80.000 луѓе во пакистанскиот дел на Кашмир.
28 март 2005 година: Земјотрес со јачина од 8,6 степени во Северна Суматра, Индонезија - околу 1.300 жртви.
26 декември 2004: Цунами бранови во Индискиот Океан предизвикани од земјотрес со јачина од 9,1 степени во Индонезија убиле 230.000 луѓе во десетици земји.
26 декември 2003 година: Земјотрес со јачина од 6,6 степени во југоисточен Иран уби 50.000 луѓе.
21 мај 2003 година: Повеќе од 2.200 луѓе загинаа во земјотрес со јачина од 6,8 степени во Алжир.
26 јануари 2001 година: Земјотрес со јачина од 7,7 степени ја погоди индиската држава Гуџарат, при што загинаа 20.000 луѓе.