Не може да се научи ширењето на позитивна енергија - не може од човек да излезе она што го нема.

Постојат луѓе кои мислат дека ширењето на позитивна енергија може да се научи, дека постојат фрази, зборови или реченици кои ја создаваат позитивната енергија.

Не е така. Енергијата, позитивна или негативна, се наоѓа во човекот. Не може од човек да излезе она што го нема. За да можеме да шириме мир, мораме најпрво да имаме мир во себе. За да можеме да шириме радост, мора најпрво да ни биде срцето радосно. Во спротивно, и зборовите за најголема утеха звучат како напад, од устата на незадоволниот човек.